विनायक वंजारे -

सिंधुदुर्ग : सिंधुदुर्ग जिल्ह्यातील (Sindhudurg District) डंपर चालक-मालक संघटनेच्या वतीने जिल्हाधिकारी कार्यालयासमोर 4 मार्च 2016 रोजी आंदोलन करण्यात आले होते त्यावेळी आमदार नितेश राणे (Nitesh Rane) यांच्यासह त्यांच्या कार्यकर्त्यांनी प्रशासन दखल घेत नसल्याने जिल्हाधिकारी कार्यालयात घुसून आंदोलन व तोडफोड केली होती.

या आंदालनावेळी मोठा राडा झाला होता त्यानंतर या सर्वांवर सरकारी कामात अडथळा आणल्याप्रकरणी गुन्हे दाखल करून अटक केली होती त्यानंतर त्यांची जामिनावर सुटका झाली होती याबाबत येथील जिल्हा न्यायालयात खटला सुरू होता.

यावेळी 20 साक्षीदारांची साक्ष घेण्यात आली होती यामध्ये तत्कालीन पोलीस अधीक्षक तत्कालीन जिल्हाधिकारी यांचीही साक्ष नोंदवण्यात आली होती. जिल्हा न्यायाधीश व अतिरिक्त सत्र न्यायाधीश आर. बी रोटे यांनी आज निर्णय देताना आमदार नितेश राणे, सतीश सावंत, दत्ता सामंत यांच्यासह 41 जणांची निर्दोष मुक्तता केली आहे.

Edited By - Jagdish Patil