भारतीय हवामान खात्याने राज्याला पुन्हा एकदा उष्णतेच्या लाटेचा इशारा दिला आहे. मुंबई, ठाण्यासह कोकणात आजपासून पुढील तीन दिवस उष्णतेची लाट येऊ शकते, असा अंदाज वर्तवण्यात आला आहे. नागरिकांनी घराबाहेर पडताना काळजी घ्यावी, असं आवाहन देखील करण्यात आलं आहे.
गेल्या काही दिवसांपासून देशासह राज्यातील हवामानात मोठमोठे बदल होत आहेत. काही भागात अवकाळी पावसाच्या सरी, तर काही ठिकाणी उन्हाच्या झळा जाणवत आहे. त्यामुळे नागरिकांना उकाड्याचा सामना करावा लागत आहे. अशातच हवामान खात्याने पुन्हा एकदा राज्यात उष्णतेच्या लाटेचा इशारा दिला आहे.
हवामान खात्याच्या अंदाजानुसार, येत्या २८ आणि २९ एप्रिल रोजी तापमानाचा पारा ४० ते ४२ अंशावर जाण्याची शक्यता आहे. त्यामुळे मुंबई, ठाणे, कोकणासह राज्यातील काही भागात उष्णतेची लाट येऊ शकते. नागरिकांनी जास्त पाण प्यावे, सुती कपडे घालावेत, असा सल्ला IMD कडून देण्यात आला आहे.
IMD ने दिल्ली, उत्तर प्रदेश, बिहार, झारखंडसह देशातील अनेक राज्यांना उष्णतेच्या लाटेचा इशारा दिला आहे. पश्चिम उत्तर प्रदेशात आजपासून पुढील ३ दिवस उष्णतेची लाट येऊ शकते, असं हवामान खात्याने सांगितलं आहे. आंध्र प्रदेश, यानम, तेलंगणा, रायलसीमा, अंतर्गत कर्नाटक आणि पूर्व उत्तर प्रदेशाला अलर्ट जारी करण्यात आलाय.
दुसरीकडे आयएमडीने मध्य महाराष्ट्र, मराठवाडा आणि विदर्भातील काही जिल्ह्यांमध्ये ढगांच्या गडगडाटासह तुफान पावसाचा इशारा दिला आहे. पुढील ४८ तासांत या भागात जोरदार पाऊस होईल, असं हवामान खात्याने सांगितलं आहे. तर काही ठिकाणी गारपीट होणार, असा अंदाजही वर्तवण्यात आला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.