मागच्या काही दिवसांपासून वातावरणात सातत्याने बदल होताना दिसत आहे. हळूहळू थंडी ओसरून वातावरण उष्ण होऊ लागलं आहे. तसेच हवामान विभागाने कमी दाबाच्या क्षेत्रामुळे, दक्षिण भारतातील अनेक राज्यांमध्ये मुसळधार पावसाचा इशारा दिला आहे. २१ आणि २२ फेब्रुवारी रोजी दक्षिण तामिळनाडू आणि दक्षिण केरळमधील काही ठिकाणी मुसळधार पाऊस पडण्याची शक्यता वर्तवण्यात आली आहे.

महाराष्ट्रात उन्हाचा कडाका हळूहळू तीव्र होत आहे. आज राज्यातील काही भागात ढगाळ वातावरण राहण्याचा अंदाज आहे. दुसरीकडे दिवसभर तापमानात चढउतार बघायला मिळेल. जेऊर येथे राज्यातील नीचांका तापमानाची नोंद झाली. जेऊर येथे 14.5 अंश सेल्सिअस तापमान नोंदवले गेले. तसेच हवामान विभागागाने वर्तवलेल्या शक्यतेनुसार, मध्य महाराष्ट्र, मराठवाडा आणि विदर्भातील काही भागात सोमवारी आणि मंगळवारी ढगाळ हवामानासह हलक्याते मध्यम स्वरूपाचा पाऊस पडू शकतो.

भारतीय हवामान खात्याच्या अंदाजानुसार उद्या म्हणजेच २१ फेब्रुवारी आणि २२ फेब्रुवारी रोजी दक्षिण तामिळनाडू, केरळ, माहे येथे काही ठिकाणी मुसळधार पाऊस पडण्याची शक्यता आहे. याशिवाय, जम्मू आणि काश्मीर, हिमाचल प्रदेश येथे २२ आणि २४ फेब्रुवारी रोजी पाऊस आणि बर्फवृष्टी होण्याची शक्यता वर्तवण्यात आली आहे.