बीड : कर्नाटकमध्ये हिजाबवरून (Karnataka Hijab Row) झालेल्या वादाचा निषेध करत हिजाबच्या समर्थनार्थ, बीडमध्ये (Beed) राष्ट्रवादी (NCP) महिला आघाडीच्या हेमाताई पिंपळे यांच्या नेतृत्वाखाली रॅली काढण्यात आली. यावेळी शहरातील छत्रपती शिवाजी महाराज चौक ते नगर रोड मार्गे जिल्हाधिकारी कार्यालयावर ही रॅली काढण्यात आली होती. एकीकडं कर्नाटकमधील (Karnataka) मंत्री म्हणतात, की कपडे घातल्याने महिला आणि मुलींवरील अत्याचार वाढत आहेत.

हे देखील पहा :

तर, मग आमच्या मुस्लिम बहिणी हिजाब (Hijab) वापरतात, त्यांना का विरोध केला जातोय. मुस्लिम (Muslim) धर्मियांची संस्कृती आहे. पहिल्यापासूनच मुस्लिम महिला या हिजाब वापरतात, भारत देश हा सर्वधर्मसमभाव आहे. याठिकाणी घटनेने प्रत्येकाला मूलभूत हक्क दिले आहेत, त्यामुळे घटनेने दिलेले अधिकार हिरावण्याचा प्रयत्न करू नका, तो आमचा अधिकार आहे. असं म्हणत बीडमध्ये घोषणाबाजी करत महिलांनी रॅली काढली.

Edited By : Krushnarav Sathe