नागपूर - महापालिकेच्या आरोग्य अधिकारी आणि उपयुक्तांना मास्कचं गांभीर्य नाही का, असा प्रश्न निर्माण झाला आहे. नागपूरात Nagpur चिमुकल्यांना न्युमोकोकल लस Pneumococcal Vaccine देताना शेजारी असलेले नागपूर महानगरपालिकेचे अधिकारीच विनामास्क mask चिमुकल्यांच्या शेजारी वावरत होते. नागपूरात न्युमोकोकल लसीकरणाच्यावेळी हा गंभीर प्रकार घडला आहे.

हे देखील पहा -

कोरोना व्हायरस पासून बचाव करण्यासाठी सर्वात मोठं शस्त्र म्हणजे मास्क, हे आरोग्य यंत्रणांकडून वारंवार सांगितले गेले आहे. मात्र, खुद्द आरोग्य यंत्रणांचेच अधिकारी या नियमाला तिलांजली देत असेल तर त्याला काय म्हणावं. नागपूरात आजपासून न्युमोकोकल या लसीकरण मोहिमेला सुरुवात झाली. या लसीकरणावेळी खुद्द महापालिकेचे सहआयुक्त आणि आरोग्य अधिकारी यांनी मास्क खाली केला होता.

या केंद्रांवर लहान मुलांचे लसीकरण सुरू होते. शिवाय त्यांच्या माता आणि इतर कर्मचारी होते. मुले अगदी दोन चार महिन्यांची असल्याने त्यांना मास्क घालणे शक्य नाही. त्यामुळे त्याठिकाणी उपस्थित असलेल्यांना मास्क घालणे अनिवार्यच होते.

मात्र, आरोग्य अधिकाऱ्यांना याचे गांभीर्य कळले नाही आणि त्यांनी आपला मास्क खाली केला होता. यासंदर्भात महापौरांना विचारल्यावर त्यांनी ही या प्रकाराची गंभीर दखल घेतली. जर अधिकारी असं वागत असतील तर ही गंभीर चूक आहे, यासंदर्भात संबंधित अधिकऱ्यांना ताकीद दिली, जाईल असे महापौरांनी स्पष्ट केले आहे.

Edited By - Shivani Tichkule