बारामती : पुणे (pune) जिल्ह्यातील इंदापूर (indapur) तालुक्यात भाजपला (bjp) गळती लागली असून भाजपाचे जेष्ठ नेते माजी सहकार मंत्री हर्षवर्धन पाटील (harshwardhan patil) यांचे चुलत बंधू माजी सभापती प्रशांत पाटील यांनी काही दिवसांपूर्वीच भाजपमधून राष्ट्रवादी पक्षात (ncp) प्रवेश केला. (harshwardhan patil latest marathi news)

आता येत्या तीन एप्रिलला माजी जिल्हा परिषद सदस्य श्रीमंत ढोले हे राष्ट्रवादीचे अध्यक्ष शरद पवार (sharad pawar) यांच्या प्रमुख उपस्थितीत प्रवेश होणार आहे. याच दिवशी इंदापूर पंचायत समितीच्या विद्यमान सभापती स्वाती बापूराव शेंडे यांचा देखील पक्षप्रवेश होणार असल्याने इंदापुरात भाजपला गळती लागल्याचे चित्र निर्माण झाले आहे.

भाजपातून एकेक पदाधिकारी राष्ट्रवादीत जात असल्याने माजी मंत्री हर्षवर्धन पाटील यांना हा मोठा राजकीय धक्का मानला जात आहे.

Edited By : Siddharth Latkar