गोपाल मोटघरे

Smartphone Side Effects On Child: अनेक पालक आपल्या लहान मुलांना रडूनये म्हणून खेळण्यासाठी वेगवेगळ्या वस्तू देतात. मुलांचं मन रमावं म्हणून आता अनेक पालक आपल्या मुलांच्या हातात स्मार्टफोन देतात. अशात हे स्मार्टफोन मुलांच्या आरोग्यासाठी किती घातक आहेत याची धक्कादायक माहिती समोर आलीये. (Latest Smartphone Side Effects News)

नुकतेच सेपियन लॅबने केलेल्या सर्वेत अनेक धक्कादायक निष्कर्ष समोर आले आहेत. जे पालक आपल्या लहान मुलांना अगदी लहानपणापासूनच स्मार्टफोन हातात देतात, अशी मुलं सर्वेक्षणात अत्यंत रागीट आणि चिडचिडी असल्याचं समोर आलं आहे.

तसेच जीवनातील काही महत्त्वाच्या प्रसंगी त्यांच्यात योग्य निर्णय घेण्याची क्षमता देखील कमी होत असते. तसेच अशी मुलं रागाच्याभरात आत्महत्या करण्यासारखे टोकाचे पाऊल उचलण्याची देखील शक्यता असते, असे धक्कादायक निष्कर्ष या सर्वेक्षणात पुढे आले आहेत.

सेपियन लॅब ने केलेल्या सर्वेक्षणात लहान मुलांच्या तुलनेत प्रौढ व्यक्तींवर स्मार्ट मोबाईल फोन वापरण्याचे दुष्परिणाम हे कमी जाणवत आहेत. त्यामुळे पालकांनी आपल्या मुलांना निदान 18 वर्षांचे झाल्यानंतरच स्मार्टफोन द्यावा. तसेच पालकांनी आपल्या मुलांशी घरात जास्त संवाद साधावा. त्यांना वेळ द्यावा आणि त्यांचा आउटडोर सपोर्ट अँड फिजिकल ऍक्टिव्हिटीजमध्ये सहभाग करून घ्यावा असे या सर्वेक्षणात सांगण्यात आला आहे.