Grampanchayat Elections 2022 : निवडणुकीसाठीची आवश्यक कागदपत्रे देण्यास टाळाटाळ करणाऱ्या एका ग्रामपंचायत सदस्याने ग्रामसेवकाची चांगलीच धुलाई केली. ही घटना शुक्रवारी हिमायतनगर येथे घडली. या मारहाणीचा व्हिडीओ आता सोशल मिडीयावर व्हायरल होत आहे. (nanded latest marathi news)

नांदेड जिल्ह्यात सध्या ग्रामपंचायत निवडणुकांचे (election) रणधुमाळी सुरु आहे. शुक्रवारी उमेदवारी अर्ज भरण्याचा शेवटचा दिवस होता. उमेदवारी अर्ज दाखल करण्यासाठी दरेगावच्या ग्रामपंचायत (grampanchayat) सदस्याने ग्रामसेवकास कागदपत्रांची मागणी केली मात्र, ग्रामसेवक कागदपत्र देण्यास टाळाटाळ करत होता.

अर्ज करण्याचा शेवटचा दिवस आणि काही वेळ शिल्लक असल्याचे माहित असताना ग्रामसेवक कागदपत्र देण्यास टाळाटाळ करत असल्याने संतापलेल्या ग्रामपंचायत सदस्याने भर रस्त्यात ग्रामसेवकांच्या धुलाई केली. दरम्यान या घटनेनंतर ग्रामसेवक संघटना आक्रमक झाली आणि ग्रामपंचायत सदस्या विरोधात पोलिस ठाण्यात तक्रार दिली.

Edited By : Siddharth Latkar