शुभम देशमुख 

गोंदिया : गावातील शाळेच्या व्यवस्थापन समितीच्या निवडणुकीत अनियमितता व ग्रामपंचायतीच्या (Grampanchayat) कारभाराबाबत माहिती अधिकार टाकूनही माहिती मिळत नाही. यामुळे गावातील पाण्याच्या टाकीवर चढून तरुणाने (Gondia) आंदोलनाला सुरवात केली आहे. (Live marathi News)

गोंदिया शहराला लागून असलेल्या अर्जुनी गावातील तरुणाचे पाणी टाकी वर चडून वीरू गिरी आंदोलनाला सुरवात केली आहे. शाळा व्यवस्थापन समितीच्या निवडणुकीत झालेल्या अनियमितेप्रकरणी नरेंद्र गजभिये यांनी शिक्षण विभागाकडे तक्रार केली होती. मात्र शिक्षण विभागाने याकडे लक्ष दिले नाही. तर गजभिये यांनी ग्रामपंचायतीमध्ये माहिती अधिकारात माहिती मागितली होती. मात्र ग्रामपंचायत माहिती देत नसल्याने नरेंद्र गजभिये यांनी वीरूगिरी आंदोलन सूरु केले आहे 

गळ्यात बांधला दोरीचा फास 

आजवर आपण अनेक वीरू गिरी आंदोलन बघितले. मात्र गळ्यात फासीचा फंदा लावून प्रशासनाला चेतवाणी देणारा हा पहिलाच प्रकार गोंदियाच्या रावणवाडी पोलीस ठाण्याअंतर्गत येणाऱ्या अर्जुनी गावात पाहायला मिळत आहे. जोपर्यंत लेखी आश्वाशान मिळणार नाही; तोपर्यंत आंदोलन मागे घेणार नाही अशी भूमिका नरेंद्र गजभिये यांनी घेतली आहे.