शुभम देशमुख 
गोंदिया : छोटा गोंदिया परिसरातील पांगोली नदीच्या काठावर हनुमान मंदिर आहे. या हनुमान मंदिराच्या (Gondia) खिडकीतून आत प्रवेश करून हनुमानाचे दागिने चोरी (Theft) केल्याचा प्रकार उघळकीस आला आहे. हा प्रकार समोर आल्यानंतर पोलिसांनी आरोपीचा शोध घेत अटक केली आहे. (Tajya Batmya)

छोटा गोंदिया परिसरातील पांगोली नदीच्या काठावर महाकाल देवस्थानातील हनुमान मंदिरात भाविक पूजाअर्चा करण्यासाठी गेले असता त्यांना चोरी झाल्याचे दिसून आले. या चोरीसंदर्भात भाविकांनी पुजारी स्वप्नील पारधी यांना माहिती दिली. त्यांनी मंदिरात जाऊन पाहणी केली असता दागिने चोरीला गेल्याचे लक्षात आले. 

आरोपीला ताब्यात घेत दागिने हस्तगत 

यासंदर्भात शहर पोलिसांत (Police) गुन्हा दाखल करण्यात आला होता. पोलिसांनी तपास करत करणाऱ्या आरोपी पंकज मिल्कीराम सूर्यवंशी (२२, रा. मुंडीपार खुर्द, बटाना) या आरोपीला अटक करण्यात आली आहे. त्यांच्याकडून संपुर्ण दागिने देखील हस्तगत करण्यात आले आहे.