शुभम देशमुख 
गोंदिया : शेतीसाठी वीज पुरवठा करताना महावितरणकडून केवळ ८ तास वीज दिली जाते. यामुळे पिकांना (Gondia) पाणी देण्यात शेतकऱ्यांना अडचण होत असते. यामुळे कृषी पंपांना १२ तास वीज पुरवठा देण्याची मागणी करत शेतकऱ्यांनी आज राष्ट्रीय महामार्ग रोखला. महार्गावर रास्तारोको (Rasta Roko) केल्यामुळे १५ जणांना पोलिसांनी ताब्यात घेतले आहे. (Tajya Batmya)

गोंदिया जिल्ह्यात मोठ्या प्रमाणात धान पिकाची शेती केली जाते. खरीप हंगामाबरोबरच रब्बी हंगामात देखील मोठ्या प्रमाणात शेतकरी धान पिकाची लागवड करत असतात. मात्र महावितरणच्या (Mahavitaran) वतीने फक्त ८ तास वीज पुरवठा देण्यात येत असल्याने अपुऱ्या वीज पुरवठा अभावी शेतकऱ्यांचे (Farmer) रब्बी हंगाम संकटात आले आहे. रात्री अपरात्री पिकांना पाणी देण्यासाठी शेतात जावे लागत असते. यामुळे कृषीसाठी किमान १२ तास वीज देण्याची शेतकऱ्यांची मागणी आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

शेतकऱ्यांना १२ तास वीज पुरवठा मिळालेला नाही. त्यामुळे शेतकऱ्यांच्या वतीने गोंदियाच्या कोहमारा येथे राष्ट्रीय महामार्ग क्रमांक ६ वर रास्ता रोको आंदोलन करण्यात आला. महामार्गावर रास्ता रोको केल्यामुळे दोन्ही बाजुंनी वाहतूक ठप्प झाली होती. दरम्यान रस्ता रोको करणाऱ्या १५ शेतकऱ्यांना पोलिसांनी ताब्यात घेतले आहे.