Gold Rates Today News  AI Image
महाराष्ट्र

Gold Rate Today : सोनं-चांदीच्या दरात मोठी घसरण, १ तोळ्यासाठी किती मोजावे लागणार? वाचा सुवर्णनगरीतील आजचे दर

Maharashtra Jalgaon Gold Silver Market Rate Today : जळगावच्या सराफा बाजारात सोन्याच्या दरात १,५०० रुपये तर चांदीच्या दरात १,००० रुपयांची घसरण झाली आहे. सोन्या-चांदीचे दर आणखी कमी होणार का?

Alisha Khedekar

संजय महाजन, जळगाव

गेल्या काही दिवसांपासून सोनं आणि चांदीच्या दरात सातत्याने घसरण होताना दिसत आहे. आजही या दोन्ही मौल्यवान धातूंच्या किमती कमी झाल्याने ग्राहकांना काहीसा दिलासा मिळाला आहे. सोन्याच्या दरात तब्बल दीड हजार रुपयांची, तर चांदीच्या दरात एक हजार रुपयांची घट झाली आहे. त्यामुळे सध्या बाजारात सोनं आणि चांदी खरेदी करण्यासाठी ग्राहकांची घाई दिसत नसून अनेक जण दर आणखी कमी होण्याची वाट पाहत आहेत.

जळगावच्या सराफा बाजारात सोन्या-चांदीच्या दरात मागील काही दिवसांपासून चढ-उतार सुरू आहेत. अचानक दर कमी होत असल्याने दागिने खरेदी करणाऱ्या ग्राहकांमध्ये संभ्रम निर्माण झाला आहे. आंतरराष्ट्रीय बाजारातील घडामोडींचा परिणाम भारतीय सराफा बाजारावर होत असल्याचे दिसत आहे.

विशेषतः अमेरिकेतील महागाईशी संबंधित आकडेवारी आणि त्यातून निर्माण होणाऱ्या आर्थिक परिस्थितीचा परिणाम सोन्याच्या किमतीवर होत असल्याचे सांगितले जात आहे. जागतिक बाजारात होणाऱ्या बदलांमुळे सोन्या-चांदीच्या दरात सतत बदल होत आहेत.

जळगाव सराफा बाजारातील उपलब्ध दरानुसार, २० तारखेला २४ कॅरेट सोन्याचा दर १ लाख २३ हजार ५०० रुपये होता. तर चांदीचा दर १ लाख ५५ हजार रुपये होता. २१ तारखेला सोन्याचा दर १ लाख २३ हजार रुपये, तर चांदीचा दर १ लाख ५४ हजार रुपये नोंदवण्यात आला. सोन्या-चांदीच्या किमतीत घट होत असली तरी पुढील काळात दर आणखी कमी होतील की पुन्हा वाढतील, याबाबत निश्चित सांगता येत नाही. त्यामुळे ग्राहक सध्या खरेदीचा निर्णय विचारपूर्वक घेत आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

महिलांसाठी मुनिया पैठणी साडीच्या लेटेस्ट डिझाईन्स, 5 पॅटर्न्स

Central Railway : प्रवाशांसाठी महत्त्वाची बातमी! मध्यरात्री विशेष ब्लॉक; लोकलच्या वेळापत्रकात बदल, एक्स्प्रेस गाड्यांवरही परिणाम

BJP News: मोठी बातमी! विधान परिषद निवडणुकीनंतर भाजपमध्ये मंत्र्यांची झाडाझडती, कामाचा अहवाल मागवला

बोटे मोडण्याची सवय चांगली की वाईट?

Gold Price Drop : आठवड्यात सोनं ₹१२,५४० स्वस्त; आताच दागिने घ्यायचे की थांबायचं? तज्ञांचा सल्ला

SCROLL FOR NEXT