कोल्हापूरच्या गोकुळ दूध संघावरील अध्यक्ष निवडीतील सत्ता समीकरणे बदलणार आहेत. गोकुळच्या निवडणुकीत बहुमत मिळवूनही समविचारी आघाडीला सत्तेपासून दूर ठेवण्यासाठी महायुतीनं मोठा डाव टाकलाय. गोकुळची सत्ता मिळवण्यासाठी महायुती सरकारनं थेट सहकार कायद्यात बदल केल्यानं समविचारी आघाडीला मोठा धक्का बसणार आहे. या बदलाला कॅबिनेटच्या बैठकीत मंजुरी देण्यात आलीय. त्यामुळे आता गोकुळवर शासनाचे चार सदस्य नियुक्त करण्याचा मार्ग मोकळा होणार आहे. मात्र या विरोधात रस्त्यावर उतरणार असल्याचा इशारा सतेज पाटलांनी दिलाय.

इतकंच नव्हे तर लोकशाही विरोधी मार्गानं गोकुळवर ताबा मिळवून गुजरातला विकण्याचा डाव असल्याचा आरोप ठाकरेसेननं केलाय. मात्र, विरोधकांच्या आरोपांना भाजपनं प्रत्युत्तर दिलंय...

या निर्णयामुळे 2 हजार कोटींहून अधिक उलाढाल असलेल्या गोकुळवर महायुतीच्या

सत्तेचा मार्ग मोकळा होणार आहे...सत्तेचं गणित कसं बदलणार ते पाहूयात.

समविचारी आघाडी - 13

महायुती - 12

शासन नियुक्त - 4

बहुमताचा आकडा - 14

संपूर्ण राज्याचं लक्ष लागलेल्या गोकुळ निवडणुकीत सतेज पाटलांच्या नेतृत्वातील समविचारी आघाडीनं सत्ताधाऱ्यांचा पराभव केला होता. मात्र, हा पराभव सत्ताधाऱ्यांच्या चांगलाच जिव्हारी लागला. आता त्यासाठी थेट कायद्यात बदल करून सतेज पाटलांना महायुतीनं शह दिलाय. मात्र सरकारनं घेतलेल्या या निर्णयाविरोधात सतेज पाटील काय रणनीती आखणार? योग्य वेळेची वाट पाहणार की वाद थेट कोर्टात जाणार याची उत्सुकता वाढलीय.