जळगावमधील धरणगाव तालुक्यात रेल गावात १२ वर्षीय गणेश नवल पाटील याचा क्रिकेट खेळताना मृत्यू झाला होता. मार्चमध्ये ही घटना घडली होती. पण त्याची हत्या झाल्याचा संशय त्याच्या वडिलांना होता. अखेर अडीच महिन्यांनंतर गणेशचा मृतदेह बाहेर काढण्यात आला. तो विच्छेदनासाठी रुग्णालयात नेण्यात आला आहे. अहवालातून त्याच्या मृत्यूचे नेमके कारण समोर येणार आहे.
१५ मार्चला अवघ्या १२ वर्षांच्या गणेश नवल पाटील याचा मृत्यू झाला होता. क्रिकेट खेळताना त्याचा मृत्यू झाल्याचं सांगण्यात आलं होतं. पण वडिलांचा यावर विश्वासच बसत नव्हता. आपल्या मुलाचा खून झाला आहे, असा संशय त्यांच्या मनात घर करून राहिला. आपल्या मुलाला न्याय मिळावा म्हणून दीड महिन्यापेक्षा अधिक काळ त्यांनी पोलीस ठाण्यापासून वरिष्ठ पोलीस अधिकाऱ्यांच्या कार्यालयाचे उंबरठे झिजवले. न्यायासाठी सगळी धावपळ सुरू होती.
अखेर अडीच महिन्यांनंतर गणेशचा जमिनीत पुरलेला मृतदेह बाहेर काढला. जुन्या वादातून मित्राने छातीत बॅट मारून त्याची हत्या केल्याचा आरोप गणेशचे वडील नवल पाटील यांनी केला. फॉरेन्सिक पथक, पोलीस, तहसीलदारांच्या उपस्थितीत मृतदेह बाहेर काढण्यात आला. अवशेष बघून वडिलांना रडू कोसळलं. पंचनामा केल्यानंतर मृतदेह विच्छेदनासाठी धुळे येथील शासकीय वैद्यकीय महाविद्यालय आणि रुग्णालयात पाठवण्यात आला.
मुलाच्या मृत्यूबाबत वडील नवल बळीराम पाटील यांना संशय होता. त्यांच्या मागणीवरून आज मरणोत्तर पंचनामा करण्यात आला आहे. शवविच्छेदनासाठी मृतदेह धुळ्याच्या मेडिकल कॉलेजला पाठवला आहे.महेंद्र सूर्यवंशी, तहसीलदार, धरणगाव
१३ मार्च २०२६ रोजी लहान मुलं क्रिकेट खेळत होती. खेळताना गणेशला याला बॅट लागली होती. यात त्याचा मृत्यू झाला होता. वडिलांना मृत्यूबाबत संशय असल्याने आज मुलाचा मृतदेह तहसीलदारांच्या उपस्थितीत बाहेर काढला. मृत्यूचे नेमके काय कारण आहे हे शोधण्यासाठी मृतदेह विच्छेदनासाठी रुग्णालयात पाठवण्यात आला आहे.सुनील पवार, पोलीस निरीक्षक, धरणगाव
घटनेच्या काही दिवस आधी किरकोळ वाद झाला होता. या वादातून मुलाची बॅट घालून हत्या केल्याचा संशय होता. मृतदेह बाहेर काढून विच्छेदनासाठी रुग्णालयात नेण्यात आला आहे. रिपोर्टमधून नेमकं कारण समजेल. माझ्या मुलाचा घातपातच झाला आहे, असा दाट संशय आहे.नवल पाटील, मयत मुलाचे वडील
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.