गणेश शिंगाडे, साम टीव्ही

गडचिरोली जिल्ह्यात माओवाद्यांविरोधात पोलीस दलाने मोठी आणि धाडसी कारवाई करत “ऑपरेशन अंतिम प्रहार” यशस्वीपणे पार पाडले आहे. या संयुक्त कारवाईत गडचिरोली पोलीस आणि सीआरपीएफच्या पथकाने एकूण 8 जहाल माओवाद्यांना अटक केली आहे. अटक करण्यात आलेले माओवादी हे फोदेवाडा चकमकीत सी-60 जवानाच्या हत्येत सहभागी असल्याची माहिती समोर आली आहे. पोलिसांनी सलग शोधमोहीम राबवत तेलंगणा राज्यातून 4, कुमनार येथून 2 आणि नैताळा येथून 2 अशा एकूण 8 माओवाद्यांना जेरबंद केले.

या कारवाईदरम्यान पोलिसांनी मोठा शस्त्रसाठा जप्त केला असून त्यामध्ये AK-47, SLR, INSAS, LMGसह एकूण 51 अग्निशस्त्र, 65 लाखांहून अधिक रोख रक्कम, तसेच मोठ्या प्रमाणावर दारुगोळा आणि माओवादी साहित्याचा समावेश आहे. विशेष म्हणजे अटक करण्यात आलेल्या माओवाद्यांवर एकूण 64 लाख रुपयांचे बक्षीस जाहीर करण्यात आले होते. पोलिसांनी अत्यंत शिताफीने गोळीबार न करता ही कारवाई यशस्वी करत माओवाद्यांचा मोठा कट उधळून लावला. या कारवाईमुळे गडचिरोली जिल्ह्यातील माओवादी चळवळीला मोठा धक्का बसला असून नक्षलविरोधी लढ्यात सुरक्षा यंत्रणांना मोठे यश मिळाले आहे.

माओवाद्यांना मोठा झटका

या कारवाईत एकूण 8 जहाल माओवाद्यांना अटक करण्यात आली आहे. अटक करण्यात आलेले सर्व माओवादी फोदेवाडा चकमकीत सी-60 जवानाच्या हत्येत सहभागी असल्याची माहिती पोलिसांनी दिली आहे.

मोठा शस्त्रसाठा आणि रोकड जप्त

कारवाईदरम्यान पोलिसांच्या हाती मोठा साठा लागला आहे:

तब्बल 51 अग्निशस्त्र जप्त

(AK-47, SLR, INSAS, LMG यांचा समावेश)

65 लाखांहून अधिक रोख रक्कम

मोठ्या प्रमाणावर दारुगोळा आणि माओवादी साहित्य

विविध ठिकाणांहून अटक

पोलीसांनी सलग शोधमोहीम राबवत:

तेलंगणातून 4

कुमनार येथून 2

नैताळा येथून 2

अशा एकूण 8 माओवाद्यांना जेरबंद केले.

64 लाखांचे बक्षीस घोषित अटक करण्यात आलेल्या माओवाद्यांवर एकूण 64 लाख रुपयांचे बक्षीस जाहीर करण्यात आले होते.

गोळीबार न करता कारवाई

विशेष म्हणजे, पोलीसांनी अत्यंत शिताफीने गोळीबार न करता ही कारवाई यशस्वी केली आणि माओवाद्यांचा मोठा कट उधळून लावला.