Gadchiroli News Saam Tv
महाराष्ट्र

Gadchiroli News: मुसळधार पावसाने रस्ता गेला वाहून; गरोदर महिलेनं जेसीबीच्या बकेटमधून ओलांडला रस्ता, गडचिरोलीचं भीषण वास्तव VIDEO

Pregnant Woman Crossed Road From JCB Bucket Video: गडचिरोलीमध्ये गरोदर महिलेनं जेसीबीच्या बकेटमधून रस्ता ओलांडल्याचं समोर आलंय. मुसळधार पावसामुळे पर्यायी रस्ता वाहून गेला होता.

Rohini Gudaghe

मंगेश बांदेकर, साम टीव्ही गडचिरोली

गडचिरोलीमध्ये जेसीबीच्या बकेटमध्ये बसून एका गरोदर मातेनं रस्ता ओलांडल्याची धक्कादायक घटना समोर आलीय. मुसळधार पावसामुळे पर्यायी रस्ता वाहून गेल्याने जेसीबीच्या बकेटमध्ये बसून गरोदर महिलेला रस्ता पार करण्याची नामुष्की आल्याची माहिती मिळत आहे. ही घटना गडचिरोली जिल्ह्याच्या भामरागडमधील आहे.

मुसळधार पावसाने रस्ता गेला वाहून

गडचिरोली जिल्ह्मातील दक्षिण भागात अत्यंत महत्वाचा म्हणून आलापल्ली ते भामरागड या राष्ट्रीय महामार्गाची ओळख (Gadchiroli News) आहे. आलापल्ली ते भामरागड या १३०-डी क्रमांकाच्या राष्ट्रीय महामार्गावर ऐन पावसाळ्याच्या तोंडावर विविध ठिकाणी पुलाचे बांधकाम सुरू करण्यात आलंय. मात्र, रहदारीसाठी पर्यायी मार्ग व्यवस्थित आणि मजबूत न केल्याने मागील दोन दिवस झालेल्या मुसळधार पावसामुळे पर्यायी मार्ग वाहून गेलाय.

गरोदर महिलेनं जेसीबीच्या बकेटमधून ओलांडला रस्ता

त्यामुळे दोन दिवसापासून आलापल्ली ते भामरागड या राष्ट्रीय महामार्गावरील रहदारी पूर्णपणे बंद झालीय. याचा फटका या गरोदर मातेला बसला आहे. भामरागड तालुक्यातील (Woman Crossed Road From JCB Bucket) कुडकेली येथील झुरी संदीप मडावी या गरोदर मातेला अचानक प्रसूतीच्या कळा सुरू झाल्या होत्या. त्यामुळे या महिलेसह तिचे नातेवाईक तातडीने रुग्णालयात जाण्यासाठी निघाले. मात्र, रस्ता वाहून गेला असल्याने ती अडकून पडली होती. रस्ता ओलांडणं तिच्यासमोरील मोठं आव्हान बनलं होतं.

गडचिरोलीचं भीषण वास्तव

अशा परिस्थितीमध्ये रस्ता कामावर उभं असलेल्या जेसीबीच्या बकेटमध्ये बसवून रस्ता पार करून देण्यात आला. यावरून गडचिरोली जिल्ह्यात पावसाळ्याच्या दिवसांमध्ये आरोग्य समस्या किती बिकट (Gadchiroli Rain) बनते, याची प्रचिती येत आहे. गडचिरोली जिल्ह्यातील भीषण वास्तव या घटनेमुळे समोर आलंय. जीवावर खेळत या गरोदर महिलेनं रस्ता ओलांडल्याचं समोर आलंय. यामुळे संबंधित प्रशासनावर प्रश्नचिन्ह निर्माण होत आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Live News Update: बारामतीत अवकाळी पावसाला सुरुवात

Actress Khushi Mukherjee: कारला धडकली दुसऱ्याची गाडी; अभिनेत्री फटाके विक्रेत्यावरच संतापली; भररस्त्यात अभिनेत्री मुखर्जीचा राडा

Saam Impact: धुळ्यात दूध भेसळ! साम टीव्हीच्या दणक्यानंतर प्रशासनाला जाग, FDAच्या अधिकाऱ्यांची कारवाईसाठी धावपळ|VIDEO

PM Kisan Update : पीएम किसान योजनेचे २००० रुपये खात्यात कधी जमा होणार? कोट्यवधी शेतकऱ्यांना दिवाळीत मिळाली गोड बातमी

Rupali Bhosle Photos: निळ्या पैठणी साडीमध्ये रूपालीचा मराठमोळा साज, फोटो पाहाच

SCROLL FOR NEXT