सोलापूर : मुस्लिम धर्मातील पवित्र सण म्हणून बकरी ईद (Bakri Eid) साजरा केला जातो. या सणामध्ये (festival) बकऱ्याच्या कुर्बानीला अनन्यसाधारण महत्व आहे. या निमित्त सोलापूरच्या (solapur) बाजारात बकरे खरेदी विक्रीच्या व्यवहाराला वेग आला आहे. (bakri eid latest marathi news)

यंदा आषाढी एकादशी (ashadhi ekadashi) आणि बकरी ईद (bakri eid 2022) हे दाेन्ही सण रविवारी म्हणजेच एकाच दिवशी आले आहेत. एकादशी हिंदु धर्मात आणि बकरी ईद मुस्लिम धर्मात महत्वाची मानली जाते. या दाेन्ही सणांसाठी बाजारपेठ सज्ज झाली आहे. मंडईत रताळ्यांची माेठी आवक झाली आहे तर जनावारांच्या बाजारात बकरे दाखल झाले आहेत.

सोलापूरच्या बाजारात बकरे खरेदी विक्रीच्या व्यवहाराला वेग आला आहे. यामध्ये सोलापुरातील बाजारपेठेत आता तब्बल चार लाख रुपये किंमतीचा बकरा दाखल झाला आहे. दक्षिण सोलापूर तालुक्यातील कडबळ गावच्या चंद्रकांत फुलारींच्या मालकीचा हा बकरा आहे. त्याला कपाळावर अर्धचंद्रकोर आहे. त्यामुळे फुलरींचा बकरा बाजारात चांगलाच भाव खाताना दिसून येतोय.

Edited By : Siddharth Latkar