अहमदनगर : राजकीय वर्तुळातून धक्कादायक बातमी समोर आली आहे. माजी मंत्री शिवाजी कर्डिले (shivaji kardile) यांचा मुलगा अक्षय कर्डिले (Akshay Kardile) यांच्या कारचा अपघात झाला आहे. काल रविवारी रात्री दहा वाजण्याच्या सुमारास औरंगाबाद-अहमदनगर महामार्गावर (car accident) हा अपघात झाला. दरम्यान, या अपघातात अक्षय कर्डिले यांनी कोणतीही दुखापत झाली नाहीय. अपघाताची माहिती मिळताच पोलिसांनी (police) घटनास्थळी धाव घेतली. या प्रकरणी पोलिसांनी गुन्हा दाखल केला आहे.

मिळालेल्या माहितीनुसार, औरंगाबाद- अहमदनगर महामार्गावरुन अक्षय कर्डिले यांची कार जात असताना मागच्या दिशेनं येणाऱ्या वाहनाने कारला धडक दिली. या अपघातात दोन्ही वाहनांचे मोठे नुकसान झाले आहे. मात्र, अक्षय कर्डिले यांनी कोणतीही दुखापत झाली नाही, अशी माहिती त्यांनी स्वत: दिली आहे. या अपघाताच्या घटनेची पोलिसांनी दखल घेतली असून संबंधीत आरोपी विरोधात गुन्हा दाखल केला आहे.

Edited By - Naresh Shende