विजय पाटील

सांगलीच्या जत येथील भाजपचे माजी नगरसेवक विजय ताड खून प्रकरणातील संशयित आरोपी भाजपचे माजी नगरसेवक उमेश सावंत अखेर न्यायालयात हजर झाले आहेत. गेल्या दीड वर्षांपासून उमेश सावंत फरार होते. सांगली पोलिसांच्याकडून उमेश सावंत याला फरार घोषित करून बक्षीस देखील जाहीर केलं होते.

तब्बल दीड वर्षांनंतर सावंत सांगली न्यायालयात स्वतःहून हजर झाले आहेत. यानंतर सांगली पोलिसांनी त्याला ताब्यात घेत वैद्यकीय तपासणी करून अटक केली आहे. जत शहरात भर दिवसा भाजपचे माजी नगरसेवक विजय ताड यांच्या गाडीवर हल्ला करत गोळ्या झाडून हत्या करण्यात आली होती.भाजपाचे माजी नगरसेवक उमेश सावंत यांनी वैयक्तिक वादातून सुपारी देऊन विजय ताड यांची हत्या केल्याचे समोर आलं होतं. या प्रकरणी जत पोलिसांनी सहा जणांना अटक केली होती,मात्र उमेश सावंत हे फरार होते.