Satara News : पुणे-बंगळुरू महामार्गावर (Pune Bangalore National Highway) आज (साेमवार) आनेवाडी टाेल नाका (anewadi toll plaza) येथे राज्य परिवहन महामंडळाच्या बसने (msrtc bus) अचनाक पेट घेतला. दरम्यान बसमधील सर्व प्रवासी सुखरुप असून त्यांना अन्य बसमधून रवाना करण्यात आले आहेत. (Maharashtra News)

आज सकाळी अकरा, सव्वा अकराच्या सुमारास ही घटना आनेवाडी टाेल नाक्याजवळ घडली. घटना घडल्यानंतर नागरिकांनी पाेलिसांना याची माहिती दिली. काही नागरिकांनी सातारा पालिका तसेच भुईंज सहकारी साखर कारखाना येथील फायर ब्रिगेडला घटनेची माहिती दिली.

काही वेळानंतर फायर ब्रिगेडची एक गाडी घटनास्थळी पाेहचली. ताेपर्यंत संपुर्ण बस आगीच्या विळख्यात सापडली. आगीचे लाेट महामार्ग परिसरात पसरले. त्यामुळे अनेक वाहनधारक घटना त्यांच्या माेबाईमध्ये टिपताना दिसले.

दरम्यान ही बस काेल्हापूरहून (राधानगरी) स्वारगेटला निघाली हाेती अशी प्राथमिक माहिती उपलब्ध झाली आहे. या बसने पेट घेताच प्रवाशांना बसमधून खाली उतरविण्यात आले. त्यानंतर बसमधील प्रवाशांना अन्य बसमधून पाठविण्यात आल्याचे घटनास्थळावरील नागरिकांकडून सांगण्यात आले.

Edited By : Siddharth Latkar