विजय पाटील

सांगली: सांगलीच्या हरिपूर येथील पती आणि पत्नी वर काही टोळक्याने प्राणघातक हल्ला केला आहे. यामध्ये हल्ल्यात पतीचा मृत्यू झाला आहे तर पत्नी गंभीर जखमी झाली आहे. या घटनेनंतर हल्लेखोर पसार झाले आहेत. सांगली ग्रामीण पोलीस स्टेशनचे पथक आरोपीना शोधण्यासाठी टीम रवाना केली आहे. (Sangli Crime News)

हरिपूर रोडवरील गजानन कॉलनी मधील मध्य रात्रीच्या सुमारासची घटना घडली आहे. सोमवारी रात्री हरिपूर येथे घडलेल्या घटनेतील सुरेश नांद्रेकर (वय 47) असे हल्ला झालेल्या नाव आहे. ते आरटीओ एजंट आहेत. त्याच्या डोक्यावर आणि तोंडावर वार करुन हल्लेखोर पसार झाले आहेत. ही घटना सोमवारी रात्री उशिरा मिरज तालुक्यातील हरिपूर रोडवरील गजानन कॅालनीजवळ नांद्रेकर यांच्या शेताजवळ घडली. हल्लेखोरांनी केलेल्या हल्ल्यात पतीला वाचवण्याचा प्रयत्न करणारी नांद्रेकर यांची पत्नी सुद्धा गंभीर जखमी झाली.

हे देखील पहा-

संबंधित घटनेचा पोलिसांनी केलेल्या तपासात अज्ञात तीन हल्लेखोरांनी हा खून केला असल्याची प्राथमिक माहीती समोर आली आहे. पोलीसांकडून हल्लेखोरांची नावेही निष्पन्न केली असल्याचे सांगण्यात येत आहे. मात्र अद्याप हा खून कोणी व कशासाठी केला हे पोलीसांनी जाहीर केलेले नाही.