संजय राठोड

Yavatmal News : जून महिन्यात पावसाने दडी मारली होती. मात्र जुलै महिन्यात राज्यभरात अनेक ठिकाणी मुसळधार पाऊस पडला. अनेक भागात अतिवृष्टीमुळे पिकांचा मोठं नुकसान झालं. यवतमाळ जिल्ह्यात 21 व 27 जुलै रोजी झालेल्या ढगफुटीने शेतकऱ्यांचे अतोनात नुकसान झाले.

यवतमाळ जिल्ह्यात अतिवृष्टीचा पहिला बळी महागाव तालुक्यातील तिवरंग येथील शेतकरी ठरला आहे. नामदेव संभाजी वाघमारे (वय ५२) या शेतकऱ्याने आंब्याच्या झाडाला गळफास घेऊन आत्महत्या केली. (Maharashtra News)

यवतमाळ जिल्ह्यात आतापर्यंत 34 शेतकऱ्यांनी नापिकीला कंटाळून आत्महत्या केल्याच्या घटना घडल्या आहेत. जिल्ह्याचे पालकमंत्री संजय राठोड यांनी शेतकऱ्यांनी आत्महत्या करू नये असे आवाहन केले आहे.

आत्महत्या करणाऱ्या व्यक्तीकडे स्वतःच्या नावाने तीन एकर शेती आहे व त्यांना तीन अपत्य आहे. त्यांच्यावर खाजगी आणि शासकीय असे जवळपास दोन ते अडीच लाख रुपयांचा कर्ज होते. सततच्या नापिकेने आणि झालेल्या अतिवृष्टीमुळे त्यांनी ही आत्महत्या केल्याची प्राथमिक माहिती मुलाने दिली.