Beed News : पिकाला पाणी देण्यासाठी गेलेल्या 66 वर्षीय शेतकऱ्याचा विजेच्या धक्क्याने मृत्यू झाला. वीज उतरलेल्या विद्युत खांबाला शेतकऱ्याचा धक्का लागल्याने ही दुर्दैवी घटना बीडच्या आष्टी तालुक्यातील वटणवाडी येथे घडली. प्रल्हाद माणिक शिनगिरे (वय 66) असे दुर्दैवी मृत्यू झालेल्या शेतकऱ्याचे नाव आहे. (Maharashtra News)

मयत प्रल्हाद शिनगारे हे गावापासून जवळच असलेल्या शेतात पिकाला पाणी देण्यासाठी गेले होते. पाणी देत असताना शेतामध्ये असलेल्या लोखंडी खांबात विद्युत प्रवाह उतरला होता. शिनगारे यांचा खांबाला स्पर्श झाल्याने त्यांचा जागीच मृत्यू झाला.

ऐन दिवाळीच्या दिवसात शेतकऱ्याचा मृत्यू झाल्याने सर्वत्र हळहळ व्यक्त होत आहे. त्याच्या पश्चात पत्नी, दोन मुले, दोन मुली, भाऊ, नातू, असा परिवार आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar