- तबरेज शेख

Nashik Crime News : दिंडोरी -पेठ लिंक रोडवरील साई मंदिराजवळ विनापरवाना, अवैध व बनावट किटकनाशके वाहतुक करताना नाशिक भरारी पथकाने छापा मारुन सुमारे ४ लाखपेक्षा अधिकची किटकनाशके जप्त केली. या प्रकरणी म्हसरूळ पोलीसांनी दाेघांना अटक केली आहे. (Maharashtra News)

कृषी अधिकारी पंचायत समिती (निफाड) यांनी बनावट ग्राहक पाठवून परराज्यातून येणाऱ्या विनापरवाना, अवैध व बनावट किटकनाशकांची खरेदी करतो असे भासवले. नाशिक भरारी पथकाच्या जाळ्यात संशयीत ज्ञानेश्वर पंढरीनाथ चित्ते (राहणार दिंडोरी) तसेच महेश टर्ले (राहणार निफाड) या दोघांना ताब्यात घेण्यात आले. या कारवाईमुळे फसवणूक करणाऱ्या टोळीचे धाबे दणाणले आहेत.

सध्या संकटात सापडलेल्या शेतकरी बांधवांना बनावट कृषी निविष्ठा विक्री करून फसवणूक करणाऱ्यांची गय केली जाणार नाही असा इशारा देत बनावट कृषी निविष्ठा विक्री करणाऱ्यांची माहिती शेतकरी बांधवांनी कृषी विभागाकडे द्यावी.

याबाबतचे आवाहन मोहन वाघ (विभागीय कृषी सहसंचालक नाशिक विभाग) यांनी केले आहे. या गुन्ह्याचा पुढील तपास म्हसरुळ पोलीस करत आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar