सातारा : साताऱ्यात सध्या जिल्हामध्यवर्ती बँकेच्या निवडणुकीची धामधूम जोरात सुरू आहे. खा.उदयनराजे आणि आ.शिवेंद्रराजे यांच्यात या वरून जोरदार शाब्दिक चकमक सुरू असतानाच तिकडे माण तालुक्यात माण बाजार समितीमध्ये आ.जयकुमार गोरे विरुद्ध शेखर गोरे हे एकमेकांच्या समोर उभे ठाकल्याने नेमकं जिल्हाबँकेच्या पक्ष विरहित पॅनलमध्ये कोणाला संधी मिळणार याची उत्कंठा लागून राहिली आहे.

हे देखील पहा-

आ. जयकुमार गोरे, शिवसेनेचे जिल्ह्यातील हेविवेट आणि मुख्यमंत्री उध्दव ठाकरे यांच्या विशेष मर्जित असणारे शेखर गोरे, माजी आमदार सदाशिव पोळ यांचे चिरंजीव मनोज पोळ यांच्यात नेमकं कोण जिल्हाबँकेत एन्ट्री मारणार, यावर सगळ्यांचे लक्ष लागून राहिले आहे. जिल्हाबँकेच्या सध्याच्या संचालक मंडळा विरोधात भाजप आ.जयकुमार गोरे यांनी संधी मिळेल, तेव्हा सडकून टीका केली आहे.

यामुळे राष्ट्रवादी आणि सध्याचे सर्वसमावेशक पॅनलच्या माध्यमातून जयकुमार गोरे याना तगडा आव्हान देण्यासाठी त्यांचेच बंधू आणि शिवसेनेचे नेते शेखर गोरे याना एकत्र घेऊन, पुढे जाण्याची जोरदार चर्चा राजकीय वर्तुळात सध्या सुरू आहे. शेखर गोरे यांच्या माध्यमातून आमदार गोरेंना जिल्हाबँकेच्या बाहेर ठेवण्याचे स्वप्न राष्ट्रवादी पाहत असल्याची चर्चा आता जोर धरू लागली आहे.

Edited By- Digambar Jadhav