राज्यात एकीकडे दुष्काळानं शेतकरी होरपळून निघालेला असताना महायुतीतच समन्वयाचा दुष्काळ पाहायला मिळालाय... महायुतीतील अंतर्गत वादामुळे नाराज होत दरे गावी निघून जाणारे उपमुख्यमंत्री एकनाथ शिंदे पुन्हा एकदा नाराज असल्याची चर्चा रंगलीय..आणि त्याला कारण ठरलयं...गेल्या काही दिवसांत घडलेल्या महत्त्वाच्या घटना....

पुणे शिक्षक मतदारसंघातून उमेदवारीसाठी शिंदेंचे OSD मंगेश चिवटे इच्छुक होते. मात्र भाजपनं स्मिता जाधव यांना उमेदवारी दिली. त्यामुळे शिंदे नाराज असल्याची चर्चा आहे...

तर राज्यातील दुष्काळी परिस्थितीचा आढावा घेण्यासाठी मुख्यमंत्री फडणवीसांनी वर्षावर बोलावलेल्या बैठकीला एकनाथ शिंदे निमंत्रण नसल्याची माहिती सूत्रांनी दिली होती.

त्यानंतर महत्त्वाच्या मुद्यावर चर्चा करण्यासाठी मुख्यमंत्र्यांनी वर्षावर बैठक बोलावलेली असताना बैठकीला न जाता शिंदेंनी त्याचवेळी ‘नंदनवन’ निवासस्थानी पत्रकार परिषद घेतली.

त्यामुळे महायुतीत नाराजीनाट्य सुरू असल्याची जोरदरा चर्चा आहे... एकनाथ शिंदेंनी याबाबत भाजप हायकमांडची भेट घेत नाराजी व्यक्त केल्याची माहिती सूत्रांनी दिलीय...मात्र शिंदे नाराज असते तर चिवटेंनी उमेदवारी मागे घेतली नसती, असं म्हणत प्रवीण दरेकरांनी मर्मावर बोटं ठेवलयं... तर स्वत: एकनाथ शिंदेंनीही नाराज नसल्याचं स्पष्ट केलंय.

याआधीही 2024 च्या विधानसभा निवडणुकीतील जागावाटप असू द्या किंवा मुख्यमंत्री पदाची दावेदारी शिंदेंची नाराजी कधीच लपलेली नाही...मात्र

शिंदेंनी आपली नाराजी वेळोवेळी दिल्लीतल्या हायकमांडसमोर मांडण्यासाठी

मागे पुढे पाहिले नाही. आता पुन्हा ऐन दुष्काळात नाराजी नाट्य सुरू असल्यामुळे महायुतीत सारं काही आलबेल नसल्याची चर्चा रंगलीय.