महाकुंभ मेळ्यात राज्यातील अनेक नेत्यांनी हजेरी लावत संगम नदीत स्नान केलं होतं. त्यानंतर उपमुख्यमंत्री एकनाथ शिंदे यांनी देखील काही आमदारांसह महाकुंभमेळ्यात जात संगम नदीत स्नान केलं. यानंतर एकनाथ शिंदेंवर उद्धव ठाकरे यांनी टीका केली होती. टीकेला प्रत्युत्तर देत एकनाथ शिंदे यांनी सवाल उपस्थित केला. उद्धव ठाकरे कुंभ मेळ्यात का गेले नाही? असा सवाल त्यांनी उपस्थित केला होता.

यावर ठाकरे गटाचे खासदार संजय राऊत यांनी प्रतिक्रिया दिली आहे. तसेच टोला लगावला आहे. 'मी सरसंघचालक मोहन भागवत यांना फॉलो करतो, ते कुंभ मेळ्याला गेले होते का? मोहन भागवत गेल्यानंतर आम्ही जाणार होतो, अशी प्रतिक्रिया देत संजय राऊतांनी शिंदेंना टोला लगावला आहे.

मोहनराव भागवत यांना मी तरी, प्रयागराजला जात गंगेत डुबकी मारून स्नान करताना पाहिलं नाही. आम्ही सगळे म्हटंल जेव्हा, सरसंघचालक हे प्रयागराजला जातील, तेव्हा त्यांच्या पाठोपाठ जाऊ', असंही संजय राऊत म्हणालेत.