स्थानिक स्वराज्य संस्थांच्या पार्श्वभुमीवर भाजपमध्ये पक्षप्रवेशाचा धडाका सुरु आहे..याच इनकमिंगमुळे शिंदे सेनेच्या नेत्यांच्या मतदारसंघात अडचणी निर्माण होण्याची शक्यता आहे... त्यामुळेच अस्वस्थ असलेले उपमुख्यमंत्री एकनाथ शिंदे थेट दिल्ली दरबारी जाणार असल्याची माहिती समोर आलीय..मात्र असे कोणते नेते आहेत ज्यांच्या भाजप प्रवेशामुळे शिंदे सेना अस्वस्थ झालीय

मित्रपक्षांमध्ये इनकमिंग, शिंदे सेना अस्वस्थ

पाटणमध्ये सत्यजित सिंह पाटणकरांच्या माध्यमातून शंभुराज देसाईंवर कुरघोडीचा प्रयत्न

पुरंदरच्या संजय जगताप यांच्या प्रवेशामुळे विजय शिवतारे अडचणीत

पंडित पाटील यांच्या प्रवेशामुळे महेंद्र दळवींची कोंडी

जालन्यात कैलास गोरंट्याल यांच्या पक्षप्रवेशाने अर्जुन खोतरकरांपुढे आव्हान

भाजपमधील इनकमिंगमुळे पक्षात अस्वस्थता असल्याचा दावा शिंदे सेनेने फेटाळून लावलाय...

खरं तर दिल्लीच्या राजकीय वर्तुळात घडामोडींना वेग आलाय.. उद्धव ठाकरे हेसुद्धा इंडिया आघाडीच्या बैठकीसाठी दिल्लीला जाणार आहेत.. त्यापार्श्वभुमीवर शिंदे दिल्लीत जाऊन खासदार आणि भाजपच्या नेत्यांसोबत बैठका घेणार असल्याची माहिती समोर आलीय...

अस्वस्थ एकनाथ शिंदे अमित शाहांची भेट घेण्याची शक्यता

उपराष्ट्रपतींच्या निवडणुकीच्या पार्श्वभुमीवर NDA नेत्यांच्या भेटीगाठी

शिंदे सेनेच्या खासदारांसोबत बैठक घेणार

एकीकडे दिल्लीत घडणाऱ्या राजकीय घडामोडी आणि दुसरीकडे महाराष्ट्रात सुरू असलेलं कुरघोडीचं राजकारण ... त्यामुळे दिल्ली दरबारी शिंदेंच्या तक्रारीची दखल भाजपचं नेतृत्व घेणार का? याकडे राज्याचं लक्ष लागलंय....