अभिजीत देशमुख

डोंबिवली : डोंबिवली पूर्वेतील पाथरली येथे पाण्याच्या टाकीजवळ ट्रान्सफॉर्मरमध्ये बिघाड झाला. ट्रान्सफरचे काम सुरू असताना केडीएमसीचा (KDMC) कंत्राटी कर्मचारी त्या ठिकाणी उभा होता. अचानक ट्रान्सफरमध्ये स्पोर्ट होवून ट्रान्सफरमधील ऑइल या कर्मचाऱ्यांचा अंगावर पडल्याने (Dombivili) हा कर्मचारी भाजला गेला. अजय म्हात्रे असे कर्मचाऱ्याचे नाव असून त्याच्यावर खाजगी रुग्णालयात उपचार सुरू आहेत. (Tajya Batmya)

डोंबिवली पूर्वेकडील पाथरली परिसरात कल्याण डोंबिवली महानगरपालिकेचे पाण्याचे टाकी आहे. या ठिकाणी पाणी सोडण्याचे काम महापालिकेचा कंत्राटी कामगार अजय म्हात्रे करतो. आज सकाळी अजय म्हात्रे पाणी सोडण्यास गेला असता लाईट नसल्याचे त्याच्या लक्षात आले. त्याने याबाबत तात्काळ महावितरणला माहिती दिली. महावितरणचे (Mahavitaran) अधिकारी घटनास्थळी दाखल झाले.

दुरूस्‍तीच्‍या कामातच स्‍फोट

ट्रान्सफॉर्मरमध्ये बिघाड झाल्याचे लक्षात आल्याने दुरुस्तीचे काम हाती घेण्यात आले. अचानक ट्रान्सफॉर्मरमध्ये स्फोट झाल्याने ट्रान्सफॉर्मरमधील ऑइल अजयच्या अंगावर पडले. त्यामुळे अजय गंभीर जखमी झाला. अजयवर डोंबिवलीमधील खासगी रुग्णालयात उपचार सुरू करण्यात आले आहेत.