धुळे/परभणी : यंदा उशिराने थंडीची चाहूल लागली आहे. मात्र मागील आठवडाभरापासून थंड वारे वाहू (Dhule) लागल्याने तापमानात घसरण झाल्याचे पाहण्यास मिळत आहे. यामुळे थंडीचा जोर देखील वाढला आहे. यात धुळे जिल्ह्यात तापमान ८.४ अंश तर (Parbhani) परभणीमध्ये ९ अंश सेल्सिअस इतके तापमान नोंदले गेले आहे.  (Maharashtra News)

धुळ्यात थंडीचा जोर कायम
धुळ्यात थंडीचा जोर आज देखील कायम आहे, २५ डिसेंबरला धुळ्यात ८.४ अंश इतक्या तापमानाची (Temperature) नोंद करण्यात आली आहे. गेल्या काही दिवसांपासून धुळ्यात थंडीचा जोर कायम असल्याचे बघायला मिळाले असून, धुळेकरांना वाढत्या थंडीचा अनुभव घेता येत आहे.  सकाळी मॉर्निंग वॉकला घराबाहेर पडणाऱ्या नागरिकांना हा वाढता थंडीचा अनुभव घेता येत असून सकाळी घराबाहेर पडताना नागरिकांना थंडीपासून बचाव करण्यासाठी गरम व उबदार कपड्यांचा आधार घ्यावा लागत आहे. पुढील काही दिवस थंडीचा जोर (Cold Wave) अशाच प्रकारे कायम राहणार असल्याची शक्यता हवामान विभागातर्फे वर्तविण्यात आली आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

परभणीतही पारा घसरला

परभणी शहरासह जिल्हाभरात गेल्या मागील आठ दिवसांपासून परभणीकरांना हुडहुडी भरली आहे. किमान तापमानात काही दिवसांपासून सातत्याने घट होत आहे. आज देखील परभणीचे तापमान ९.५ अंशावर पोहोचले आहे. या वर्षातील सर्वांत कमी तापमान  झाले आहे. थंडी वाढल्याने नागरिक, महिला, विद्यार्थी, स्वेटर, मफलर, जॅकीट असे उबदार कपडे परिधान करत आहेत. जिल्ह्यात थंडीचा जोर वाढला असल्याने बदलत्या वातावरणाने सर्दी, ताप, खोकला, अंगदुखी यासह विविध आजारांच्या देखील तक्रारी वाढल्या आहे.