धुळे : शिरपूर तालुका पोलिसांनी अवैधपणे गावठी कट्टे व जिवंत कारतूस बाळगून असलेल्या दोघा जणांच्या (Police) पोलिसांनी मुसक्या आवळल्या आहेत. त्यांच्याकडून चार गावठी बनावटीचे पिस्तूल व सात जिवंत (Dhule News) कारतूस पोलिसांनी हस्तगत केले आहेत. (Maharashtra News)

शिरपूर शहराकडे गावठी बनावटीचे पिस्तोल आपल्यासोबत अवैधपणे बाळगून दोन ईसम जात असल्याची खात्रीलायक माहिती सूत्राकडून शिरपूर (shirpur) तालुका पोलिसांना मिळाली होती. या माहितीच्या अनुषंगाने शिरपूर तालुका पोलिसांनी तात्काळ पथक तयार करून तैनात केले. पोलिसांना संशयित दोन जण मिळालेल्या माहितीनुसार आढळून आले.  

दोन लाखाचा मुद्देमाल जप्त 

पोलिसांनी तात्काळ या दोघांना थांबवून त्यांची अंगझडती घेतली असता त्यांच्याकडे चार गावठी बनावटीचे पिस्तोल व सात जिवंत कर्तुस पोलिसांना आढळून आले आहे. पोलिसांनी तात्काळ या दोघांना ताब्यात घेतले असून त्यांच्याकडून या कारवाईदरम्यान जवळपास एक लाख ९७ हजार रुपयांचा मुद्देमाल देखील हस्तगत केला आहे, तसेच पुढील तपास शिरपूर तालुका पोलीस करीत आहेत.