धुळे : मागील दोन- तीन दिवसांपासून तापमानात घसरण होऊन थंडीचा जोर वाढू लागला आहे. यात धुळ्यात आज 8.5 अंश सेल्सिअस इतक्या नीचांकी तापमानाची नोंद करण्यात आली आहे.

आठवडाभरापूर्वी ढगाळ वातावरणामुळे थंडी गायब झाली होती. उलट सकाळी अन रात्री देखील गरमी वाढली होती. परंतु दोन दिवसांपासून थंडी पुन्हा वाढली आहे. धुळ्यात आज 8.5 अंश सेल्सिअस इतक्या नीचांकी तापमानाची नोंद करण्यात आली आहे.

दिवसभरात एक अंशाने घसरण

या वर्षातील हे सर्वांत नीचांकी तापमान आहे. कालच्या तुलनेत देखील आज एक अंशाने तापमानाचा पारा घसरला असून हवेमध्ये प्रचंड गारवा निर्माण झाला असल्याने थंडीचा जोर आणखीनच वाढल्याचे बघावयास मिळत आहे. त्यामुळे घराबाहेर पडणाऱ्या धुळेकरांना स्वेटर, टोपी, मफलर अशा उबदार कपड्यांचा आधार घ्यावा लागत आहे. तापमानामध्ये झालेल्या घसरणीमुळे धुळेकर मात्र चांगलेच गारठले आहेत.