धुळे : राज्यातील समुदाय आरोग्य अधिकाऱ्यांच्या विविध प्रलंबित मागण्यांसाठी महाराष्ट्र राज्य समुदाय आरोग्य अधिकारी संघटनेने कामबंद आंदोलनाची हाक दिली आहे. त्या अनुषंगाने धुळे (Dhule) जिल्ह्यातील समुदाय आरोग्य अधिकारी संघटनेने कामावर बहिष्कार टाकून कामबंद आंदोलन पुकारले आहे. (Maharashtra News)

कोरोना महामारीच्या काळात कोविड सेंटर येथे विनावेतन कर्तव्य बजावणारे तसेच कोविड लसीकरण पूर्ण करण्यास महत्वाचा वाटा बजावला होता. असे राज्यातील दहा हजाराच्या घरात असलेल्या आरोग्यवर्धिनी उपकेंद्र येथील समुदाय आरोग्य अधिकारी यांनी आपल्या अनेक मागण्या शासनदरबारी लाऊन धरल्या होत्या. परंतु शासनाकडून सकारात्मक पाऊले उचलली जात नसल्याने महाराष्ट्र राज्य समुदाय आरोग्य अधिकारी संघटनेने एकदिवसीय कामबंद आंदोलनाचे हत्यार उपसले आहे.

२३ जानेवारीपासून बेमुदत कामबंद

सदरच्‍या मागण्या येत्या 23 जानेवारीपर्यंत पूर्ण न झाल्यास मुंबई येथील आझाद मैदान येथे मोठे बेमुदत राज्यव्यापी कामबंद आंदोलन उभारण्याचा इशाराही यावेळी आंदोलनकर्त्यांतर्फे देण्यात आला आहे.