धुळे : शहरातील रस्त्यांवर पडलेल्या खड्डया विरोधात शिवसेनेचे पालिका प्रवेशद्वारावरच ठिय्या आंदोलन केले. यावेळी पालिका प्रशासनाचा निषेध करण्यात आला. (dhule-news-Shiv-Sena-aggressive-against-potholes-and-corporation-in-front-of-Dhule)

शहरातील रस्त्यांची अवस्था अत्यंत दयनीय झाली आहे. य्यामुळे गेल्या काही दिवसांपासून सातत्याने शिवसेनेच्या वतीने पालिका प्रशासनाला जागे करण्यासाठी आंदोलन करण्यात येत आहे. परंतु याकडे पालिका प्रशासनाचे अक्षम्य दुर्लक्ष होत असल्यामुळे आज अखेर प्रभाग क्रमांक पाच येथील नगरसेविका त्याचबरोबर शिवसेनेचे सर्व पदाधिकारी व कार्यकर्ते एकत्र येत धुळे महानगरपालिकेच्या प्रवेशद्वारावर ठिय्या आंदोलन केले आहे.

पालिकेसमोर घोषणाबाजी

धुळे शहरातील देवपूर परिसरातील कॉलनी रस्त्याची अत्यंत दयनीय अवस्था झाली असून नागरिकांना या रस्त्यांमधून प्रवास करताना जीव मुठीत धरून प्रवास करावा लागत आहे. या मार्गावरून दुचाकी धारकांना बऱ्याच वेळा अपघाताला देखील सामोरे जावे लागले असल्यामुळे आक्रमक झालेल्या शिवसैनिकांनी अखेर पालिका प्रवेशद्वारावर आंदोलन करत पालिका प्रशासनाचा निषेध केला आहे. या वेळी आंदोलकांनी पालिका प्रशासनाच्या विरोधामध्ये तीव्र घोषणाबाजी करीत संताप व्यक्त केला आहे.