धुळे : गुटखा, पानमसाला विक्रीवर बंदी असताना अवैधरित्‍या वाहतुक व विक्री मोठ्या प्रमाणात सुरू आहे. अशाच प्रकारे अवैधरित्‍या वाहतुक होत असलेल्‍या गुप्‍त माहितीच्‍या आधारावर धुळे पोलिसांनी (Dhule Police) केलेल्‍या कारवाईत सुंगधी पानमसाला व गुटखा पोलिसांनी जप्‍त केला. (dhule news police action fragrant Panamsala and gutkha seized in Kusumba area)

कुसूंबा ते मालेगाव (Malegaon) रस्त्यावरून महाराष्ट्र राज्यात बंद असलेल्या गुटख्याची अवैधपणे वाहतूक केली जाणार असल्याची गुप्त माहितीदारामार्फत धुळे तालुका पोलिसांना माहिती मिळाली होती. माहितीच्या आधारे धुळे तालुका पोलिसांनी (Police) या मार्गावर सापळा रचला असता या दरम्यान मिळालेल्या माहितीतील संबंधित वाहन समोर येताच पोलिसांनी तात्काळ ते थांबवले. वाहनांची तपासणी केली असता त्यामध्ये मोठ्या प्रमाणात सुगंधी पानमसाला व गुटखा पोलिसांना आढळून आला.

९ लाखाहून अधिकचा मुद्देमाल जप्‍त

जप्‍त केलेल्‍या गुटख्‍याची बाजारामध्ये किंमत जवळपास ४ लाख २४ हजार २७० इतकी मानली जात आहे. या कारवाईदरम्यान दोघांच्या पोलिसांनी मुसक्या देखील आवळल्या आहेत. या कारवाई दरम्यान गुटखा वाहतूक करण्यासाठी वापरण्यात येणारे वाहनासह जवळपास ९ लाख ४ हजार २७० इतका मुद्देमाल पोलिसांनी हस्तगत केला आहे.