धुळे : पोलिसांना मिळालेल्‍या गुप्‍त माहितीवरून गावठी कट्टा व जिवंत काडतुसे सोबत बाळगणाऱ्या इसमास पोलिसांनी ताब्‍यात घेतले आहे. आगामी सण-उत्सवाच्‍या पाश्‍र्वभुमीवर ही कारवाई झाल्‍याचे सांगितले जात आहे. दहशत माजविण्याच्या हेतूने सोबत असलेली पिस्‍तूल व काडतुसे हस्‍तगत केली आहेत. (dhule news Embarrassed villagers carrying pistols and cartridges)

आगामी सण-उत्सव लक्षात घेता धुळे (Dhule) जिल्ह्याचे पोलीस अधीक्षक प्रवीण कुमार पाटील यांनी नागरिकांना निर्भयपणे सण उत्सव साजरे करता यावे, यासाठी आदेशित केले आहे. या अनुषंगाने धुळे शहर पोलीस (Dhule Police) ठाण्याचे वरिष्ठ पोलीस निरीक्षक नितीन देशमुख यांना गुप्त माहितीदारा मार्फत मिळालेल्या माहितीनुसार धुळे शहरातील मनमाड जीन पाण्याच्या टाकी समोर राहणाऱ्या आदीत भीमशंकर हा इसम आपल्यासोबत गावठी कट्टा व जिवंत काडतुसे घेऊन दहशतीच्या हेतूने फिरत असल्याची माहिती मिळाली.

सापळा रचत पकडले

सदर माहितीच्या आधारे धुळे शहर पोलिसांनी एक पथक पाठवून याबाबत शहानिशा करून या इसमास धुळे शहरातील ज्योती टॉकीजच्या बाजूला असलेल्या विजय व्यायाम शाळेसमोर सापळा रचून पकडले. या इसमाच्या ताब्यात एक गावठी बनावटीचे अग्निशस्त्र आढळून आले असून त्यासोबत दोन जिवंत कडतुस देखील पोलिसांना (Police) आढळून आले आहेत. ज्याची बाजारामध्ये किंमत जवळपास 26 हजार रुपये मानली जात असून या तरुणास पोलिसांनी ताब्यात घेतले असून पुढील तपास धुळे शहर पोलिस करीत आहेत.