धुळे : मागील काही दिवसांपासून राज्‍यात थंडीची लाट कायम राहिली आहे. आता देखील काही दिवस थंडी कायम राहणार असल्‍याचा इशारा हवामान विभागातर्फे वर्तविण्यात आला आहे. यात राज्‍यात सर्वात निच्‍चांकी तापमानाची नोंद झालेल्‍या धुळ्यात (Dhule) थंडीचा कडाखा कायम असून आजही धुळ्यात ७ अंश सेल्सिअस तापमानाची नोंद झाली आहे. (dhule news Cold wave continue Mercury in Dhule at 7 degrees)

धुळ्यात थंडीचा कडाखा (Cold wave) अद्यापही कायम आहे. किमान व कमाल तापमाना मोठी घट झाल्‍याने रात्री व पहाटेच्‍यावेळी थंडी जाणवत आहे. तीन– चार दिवसांपुर्वी थंडी गायब होवून वातावरणात थोडी उष्‍णता जाणवत होती. मात्र दोन दिवसांपुर्वी पडलेल्‍या धुक्‍यामुळे थंडीची लाट परत आल्‍याचे पाहण्यास मिळत आहे. यामुळे आणखी काही दिवस तरी थंडी कायम राहणार असल्‍याचा इशारा दिला आहे.

पंधरा दिवसांपासून दहा अंशाखाली

आज धुळ्यात ७ अंश सेल्‍सीअस इतक्या निच्‍चांकी तापमानाची (Temperature) नोंद करण्यात आली आहे. गेल्या पंधरा दिवसांपासून धुळ्यात तापमानाचा पारा दहा अंशापेक्षा कमी नोंदविण्यात येत असून धुळेकर गुलाबी थंडीचा अनुभव घेतांना दिसून येत आहे.