धुळे : हॉलमार्किंगच्या चुकीच्या कारभार विरोधात सराफ व्यावसायिकांनी दुकाने बंद ठेवण्याचा निर्णय घेण्यात आला होता. त्‍यानुसार धुळ्यात देखील सराफ व्‍यावसायिकांनी दुकाने बंद ठेवून हॉलमार्किंगचा विरोध केला. (dhule-news-Closure-of-goldsmiths-in-Dhule-on-hallmark)

देशभरात सोन्याच्या दागिन्यांसाठी हॉलमार्किंगचा नियम अनिवार्य झाला असला तरी त्याच्या अंमलबजावणीचे तीनतेरा वाजले आहेत. हॉलमार्किंगचा कारभार सरकारकडून मनमानी पद्धतीने हाकला जात असल्याचा आरोप लावत सराफा व्यापाऱ्यांनी आंदोलनाचे हत्यार उपसले आहे. हॉलमार्किंग सक्तीच्या विरोधात आज धुळे शहरातील सराफ व्यावसायिकांकडून बंद पाळण्यात आला आहे.

तोडगा काढण्याची मागणी

केंद्र सरकारने सोन्याच्या दागिन्यांसाठी हॉलमार्क युनिक आयडेंटिफिकेशन नंबरची सक्ती केली आहे. ही सक्ती अन्यायकारक असून, त्यामुळे सराफ व्यवसाय धोक्यात येईल, असे सराफ संघटनांचे म्हणणे आहे. केंद्र सरकारच्या सक्तीचा निषेध नोंदवण्यासाठी आज धुळे शहरातील सर्व सराफ व्यावसायिकानी दुकाने, व्यवहार बंद ठेऊन कडकडीत बंद आंदोलन केले आहे. केंद्र सरकारने यावर तातडीने तोडगा काढावा, अशी मागणी सराफा व्यापाऱ्यांकडून करण्यात आली आहे.