धुळे : बीआरएस पक्षाने महाराष्ट्र राज्यामध्ये आपले पाय रोवण्यास सुरुवात केली आहे. राज्यामध्ये सर्वत्र बीआरएस पक्षाची चर्चा सुरू असताना (Dhule) धुळ्यात देखील बीआरएस पक्षाने जोरदार बॅनर बाजी करून आगमन झाल्याचे बघावयास मिळत आहे. (Maharashtra News)

तेलंगणातील भारत राष्‍ट्र समिती (बीआरएस) महाराष्ट्राच्या राजकारणात देखील बीआरएसने चांगलेच वादळ उठवले आहे. या दरम्‍यान तेलंगणाचे मुख्‍यमंत्री के. चंद्रशेखर राव हे आषाढीनिमित्‍ताने पंढरपुरात येत आहेत. यामुळे महाराष्‍ट्रातील राजकिय वातावरण चांगलेच तापत आहे. आता याच अनुषंगाने धुळ्यात देखील बीआरएसचे बॅनर झळकले आहे.

धुळे शहरातील मुख्य चौकाचौकांमध्ये बीआरएस पक्षाचे बॅनर झळकल्यामुळे धुळ्याच्या राजकीय वर्तुळामध्ये चर्चांना उधाण आले आहे. आता याचा परिणाम आगामी काळामध्ये धुळ्यातील राजकारणामध्ये देखील दिसणार का? याकडेच धुळेकरांचे लक्ष लागून राहिले आहे.