धुळे : केंद्र सरकारच्या कृषी धोरणा विरोधामध्ये आम आदमी पार्टीच्यावतीने (AAP) जिल्हाधिकारी कार्यालयाबाहेर निषेध करण्यात आला. यासंदर्भात जिल्हाधिकाऱ्यांना निवेदन देखील देण्यात आले आहे. त्याचबरोबर केंद्र सरकारच्या (Dhule News) विरोधात घोषणाबाजी केली. (Tajya Batmya)

केंद्र सरकारच्या कापूस आयात धोरणा विरोधात आम आदमी पार्टी आक्रमक झाल्याचे बघावयास मिळत आहे. केंद्र सरकार मार्फत कापूस आयातवरती शून्य टक्के कर लावण्यात येत असल्यामुळे कापूस उत्पादक शेतकरी चांगलाच संकटात सापडणार आहे. शेतकऱ्यांनी जिवापाड पिकवलेले कापसाचे पीक कवडीमोल दराने व्यापाऱ्यांच्या घशात जात असल्याचा आरोप आम आदमी पक्षाच्या पदाधिकाऱ्यांनी लावला.

तर रास्‍ता रोको आंदोलन

केंद्र सरकारने शेतकऱ्यांच्या विरोधातील आपली चुकीची धोरणे बदलली नाही. तर केंद्र सरकारच्या विरोधामध्ये रास्ता रोको आंदोलन करण्याचा देखील इशारा यावेळी आपच्या पदाधिकाऱ्यांनी निवेदनाच्या माध्यमातून दिला आहे.