धुळे : तरुणाच्या निर्घृण हत्येच्या घटनेमुळे धुळे पुन्हा एकदा हादरले आहे. धुळ्यातील मोहाडी परिसरामध्ये तीस वर्षीय तरुणाचे शीर व धड अलग करून तरुणाचा खून (Crime News) करण्यात आला (Dhule News) असल्याची घटना घडली. या घटनेची माहिती परिसरात पसरताच परिसरात एकच खळबळ उडाली आहे. (Live Marathi News)

सतीश बापू मिस्तरी (वय ३०) असे हत्या झालेल्या तरुणाचे नाव आहे. सतीश हा नित्यानंद सोसायटी मोहाडी उपनगर येथील रहिवासी असल्याचे उघडकीस आले आहे. रात्री हा तरुण आपल्या मित्रांसोबत या सुनसान ठिकाणी पार्टी करण्यासाठी आला असल्याचे देखील प्राथमिक माहितीत समोर आली आहे. त्यामुळे या तरुणाचा इतक्या निर्घृणपणे खून कुठल्या कारणास्‍तव करण्यात आला.

घटनेची माहिती मिळताच मोहाडी पोलीस घटनास्थळी तात्काळ दाखल झाले. तसेच स्थानिक गुन्हे अन्वेषण विभागाचे पथक देखील घटनास्थळी दाखल झाले असून विविध तपास यंत्रणांच्या माध्यमातून या खुनाचा तपास पोलिसांतर्फे लावण्याचे काम सुरू आहे. खून कुठल्या कारणास्थत करण्यात आला. तसेच त्याचा खून कुणी केला याचा सर्व तपास आता पोलीस करीत आहेत.