धुळे : शेतात बांधलेल्या घरात कापूस काढून ठेवला होता. भाव नसल्याने कापूस घरात साठवून ठेवला आहे. (Dhule) या कापसाची राखण करण्यासाठी शेतात थांबलेल्या शेतकऱ्याला (Farmer) दोरीच्या साहाय्याने बांधून ठेवत मारहाण केली. यानंतर घरातील ३० क्विंटल कापूस चोरून नेल्याची घटना घडली आहे.   (Breaking Marathi News)

धुळे येथील शिरूड शिवारातील विंचूर चौफुलीजवळील शेतात ही घटना घडली आहे. विजय सोनवणे हे रात्री शेतात राखण करण्यासाठी थांबले होते. या दरम्यान पहाटे १० ते १२ जणांच्या टोळीने त्यांना झोपेत बेदम (Crime) मारहाण करून, दोरीने त्यांचे हातपाय बांधून ज्वारीच्या शेतात फेकून दिले. त्यानंतर लगेच घराच्या मागील बाजूस वाहन लावून घराची भिंत तोडून सुमारे ३० क्विंटलपेक्षा अधिक कापूस (Cotton) चोरून नेला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

शनिवारी पहाटे चार वाजेच्या सुमारास घडली आहे. या घटनेनंतर विजय सोनवणे यांनी गावात सांगितली. तसेच पोलिसांना देखील याबाबत माहिती देण्यात आली. विजय सोनवणे यांनी पोलिसांना घडलेला प्रकार सांगितल्यानंतर धुळे तालुका पोलीस या चोरट्यांचा पुढील तपास करीत आहेत.