धुळे : उन्हाच्या झळा सहन करत असताना नागरिकांना आता पाणीटंचाईला देखील सामोरे जावे लागत आहे. आठ दिवस उलटून देखील धुळे शहरात पिण्याच्या पाण्याचा पुरवठा होत नसल्यामुळे संतप्त महिलांनी महापालिका आयुक्तांच्या कार्यालयाबाहेर हंडा मोर्चा काढला. तसेच धुळे महापालिका (Dhule Corporation) प्रशासनाच्या विरोधात घोषणाबाजी करीत तीव्र संताप व्यक्त केला आहे. (dhule corporation news women handa Morcha against Dhule Corporation)

एक दिवसाआड पाणी देण्याचे आश्वासन पालिका प्रशासनातर्फे नागरिकांना वेळोवेळी देण्यात आले आहे. परंतु जवळपास आठ ते नऊ दिवस उलटून देखील पिण्याच्या पाण्याचा पुरवठा होत नसल्यामुळे संतप्त नागरिकांना हंडाभर पाण्यासाठी वणवण करावी लागत आहे.

भर उन्‍हात पोहचल्‍या मनपात

पाण्यासाठी दररोज भर उन्‍हात (Dhule News) वणवण फिरावे लागते. रोजच्‍या या त्रासाने संतप्‍त झाल्‍याने महिलांनी आज अखेर पालिकेवर हंडा मोर्चा नेत थेट पालिका आयुक्तांच्या कार्यालयाबाहेरच ठिय्या आंदोलन केले आहे. पाण्यासाठी पायी जात असलेल्‍या महिला महापालिकेवर देखील पायीच पोहचल्‍या.