धुळे : धुळे शहरापासून काही किलोमीटर अंतरावर असलेल्या गरताड गावाजवळ गॅस टँकर पलटी झाल्याची घटना घडली. टँकर पलटी झाल्‍यानंतर गॅस (Gas) गळती होवू लागल्‍याने परिसरात खबराट निर्माण झाली होती. (Letest Marathi News)

बडोद्याहून हैदराबादकडे जाणारा गॅस टँकर चालवत असताना चालकाचे वाहनावरील नियंत्रण सुटले. यामुळे टँकर महामार्गावर पलटी झाला. या अपघातामध्ये सुदैवाने जीवित हानी टळली आहे. त्याचबरोबर गॅस गळतीमुळे होणारा मोठा धोका देखील टळला असल्यामुळे मोठी जीवित हानी टळली आहे.

अग्निशमन दल तातडीने दाखल

गॅस टँकर पलटी झाल्‍यानंतर टँकरमधून गॅस गळती देखील सुरू झाली होती. परंतु अग्निशमन विभागाच्या पथकास या संदर्भातील माहिती मिळताच अग्निशमन विभागाच्या जवानांनी घटनास्थळी तात्काळ धाव घेत ही गॅस गळती अथक प्रयत्नानंतर थांबविण्यात आली आहे. यामुळे पुढची मोठी दुर्घटना टळली.