बालाजी सुरवसे

धाराशिव : अर्धवेळ ग्रंथपालची सेवा जुन्या पेन्शनसाठी ग्राह्य धरण्याबाबत न्यायालयाचे आदेश असतानाही याबाबत कार्यवाही होत नाही. यामुळे (Zilha Parishad) जिल्‍हा परिषदेतील माध्‍यमिक शिक्षणाधिकारी यांच्‍या दालनात येत ग्रंथपालाने अंगावर पेट्रोल (Petrol) ओतून आत्‍मदहनाचा प्रयत्‍न केला. (Breaking Marathi News)

भुम शहरातील रविंद्र हायस्कूलमधील ग्रंथपाल बाळु आत्माराम कुंभार असे ग्रंथपालाचे नाव आहे. न्यायालयाची निकाल प्रत शिक्षणाधिकारी कार्यालयाकडे दाखल करुन देखील त्यावर कुठलीच कार्यवाही झाली नाही. दरम्यान पैसे देऊनही काम मार्गी लागत नसल्याने ग्रंथपाल बाळु कुंभार यांनी आत्मदहन करण्याचा प्रयत्न केल्याने एकच गोंधळ निर्माण झाला.

बाळू कुंभार यांनी आज जिल्हा परिषदेमध्ये माध्यमिक शिक्षणाधिकारी (Education Officer) गजानन सुसर यांच्या दालनात पेट्रोल ओतुन घेवुन आत्मदहन करण्याचा प्रयत्न केल्याने एकच खळबळ उडाली आहे. यावेळी उपस्‍थीतांनी वेळीच हस्‍तक्षेप केल्‍याने पुढील अनर्थ टळला आहे.