बालाजी सुरवसे 

धाराशिव : राज्यात मुसळधार पाऊस सुरु असून नदी- नाल्यांना मोठे पूर आले आहेत. धाराशिव जिल्ह्यात देखील काही दिवसांपासून जोरदार पाऊस सुरु असल्याने जवळपास सर्वच नद्यांना पूर आले आहे. यात परांडा तालुक्यातील चांदणी नदीच्या पुरात तरुण वाहून जात होता. मात्र पोलीस कर्मचाऱ्यांनी केलेल्या प्रयत्नांमुळे ता तरुणाला वाचविण्यात यश मिळाले आहे. यामुळे तरुणाचा जीव वाचला आहे. 

गेल्या तिन- चार दिवसा पासुन सुरू असलेल्या मुसळधार पावसामुळे धाराशिवच्या परांडा तालुक्यातील सिना नदीसह उल्पा, चाँदणी या नद्यांना पुर आला आहे. यात चांदणी नदीला पुर आल्याने वारदवाडी ते भूम जाणाऱ्या रोडवरील वाकडी पुलावर पाणी आले असुन साकद खुर्द येथिल हनुमंत कांबळे हे भूमकडे जात त्यांनी पुलावरून वाहत असलेल्या पुराच्या पाण्यातून मोटारसायकल काढण्याचा प्रयत्न केला. 

पुराच्या प्रवाहात मोटारसायकलसह तरुण गेले वाहून 

मात्र पुराच्या पाण्याचा प्रवाह जोरात असल्याने १७ सप्टेबर रोजी पहाटेच्या सुमारास त्यांची मोटारसायकल पाण्यामध्ये वाहून गेली. तर हणुमंत कांबळे वाहून गेला होता. मात्र नदीच्या काठावर असलेल्या एका झाडाला पकडन आधार घेतला. यानंतर त्याने घरी फोन करून पुरात आडकल्याची माहिती दिली. मात्र यात तरुणाची मोटारसायकल वाहून गेली आहे. 

पोलिसांनी सुखरूप काढले बाहेर 

घटनेची माहिती परंडा पोलिसांना देण्यात अली होती. यानंतर पोलीसांनी तात्काळ घटणास्थळी धाव घेऊन कांबळे यांचा शोध सुरू केला. अंधार असल्याने कांबळे यांचा शोध कामात अडसर येत होता. यामुळे रात्री शोधकार्य थांबविण्यात आले होते. मात्र पोलिसांनी अखेर वाकडी येथील ग्रामस्थांच्या मदतीने दोरीच्या सहाय्याने हणूमंत कांबळे यांना पहाटे सुखरूप बाहेर काढण्यात आले.