धाराशिवमध्ये मौलवीने बसस्थानकावर बसून पॉर्न व्हिडीओ पाहिल्याची धक्कादायक घटना समोर आली आहे. या मौलवीने पॉर्न व्हिडीओ पाहत शाळकरी मुली आणि महिलांकडे पाहून अश्लिल हावभाव केले. या मौलवीचा पॉर्न पाहतानाचा व्हिडीओ समोर आला असून तो व्हायरल होत आहे. या मौलवीविरोधात पोलिसांनी गुन्हा दाखल केला आहे. पोलिस सध्या या प्रकरणाचा तपास करत आहेत.

मिळालेल्या माहितीनुसार, धाराशिवच्या नळदुर्ग येथील बसस्थानकावर हा प्रकार घडला आहे. मौलवी वर्दळीचे ठिकाण असेलल्या बसस्थानकावर बसून मोबाईलवर पॉर्न व्हिडिओ पाहत होता. यावेळी तो शाळकरी मली आणि महिलांकडे पाहून त्यांना हे पॉर्न व्हिडीओ दाखवल्यासारखे करत अश्लील हावभाव करत होता. हा प्रकार पाहून महिला प्रवाशांनी संताप व्यक्त केला. बसस्थानकावर असणाऱ्या एका प्रवाशाने मौलवीचा व्हिडीओ काढला. हा व्हिडीओ सध्या व्हायरल होत आहे.

पॉर्न पाहणाऱ्या मौलवीविरोधात सुनिल माणिकराव गव्हाणे यांनी तक्रार दाखल केली. त्यांनी दिलेल्या फिर्यादीवरून मौलवीविरोधात पोलिसांनी गुन्हा दाखल करत कारवाई केली. कासीम अब्दुल रहीम इनामदार असं आरोपी मौलवीचे नाव आहे. त्याच्याविरोधात भारतीय न्याय संहीता 2023 च्या कलम 294(1), 294(2) आणि 296 अन्वये गुन्हा दाखल करण्यात आला आहे.