मराठा आंदोलक मनोज जरांगे पाटील यांनी केलेल्या वक्तव्याचे मंगळवारी (ता. २७) विधानसभेत तीव्र पडसाद उमटले. भाजप आमदारांनी जरांगे यांनी केलेल्या आंदोलनाची एसआयटी चौकशी व्हावी, अशी मागणी केल्यानंतर उपमुख्यमंत्री देवेंद्र फडणवीसांनी या प्रकरणाच्या SIT चौकशीचे आदेश दिले. इतकंच जरांगेंचा बोलवता धनी कोण, बैठका कुणी घेतल्या? हे आम्हाला सर्व माहित असल्याचं फडणवीसांनी म्हटलं. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
"मनोज जरांगे पाटील यांनी केलेल्या आंदोलनाबाबत एक, एक गोष्टी बाहेर येऊ लागल्या आहेत. चौकशीतून सर्व समोर येणार असल्याचे देवेंद्र फडणवीस यांनी सांगितले. आतापर्यंत मराठा समाजाचे मोर्च शांततेत झाले. परंतु बीडमध्ये हिंसक आंदोलन झाले. त्यामागे कोण आहे, याचा शोध घेतला जाईल", असंही फडणवीसांनी स्पष्ट केलं. (Latest Marathi News)
"मनोज जरांगे यांचा बोलवता धनी कोण? बैठका कुणीकुणी घेतल्या. रात्री जाऊन त्यांना परत आणणारे कोण आहेत. हे आरोपी सांगत आहेत. पोलिसांवर दगडफेक करा हे आरोपींनी कबूल केलं आहे. ज्या पोलिसांववर दगडफेक झाली ते पोलीस आपले नाही का?" असा सवालही फडणवीसांनी (Devendra Fadnavis) उपस्थित केला.
"बीडमध्ये हिंसक आंदोलन झाले. त्यामागे कोण आहे. जरांगे यांचे कोणासोबत फोटो निघत आहे. कोणाच्या पैसा त्याच्यामागे आहे. यासंदर्भात एक एक गोष्टी बाहेर येत आहे. छत्रपती शिवाजी महाराज यांचे नाव घेतात आणि तुम्ही कोणाची आयामाय काढणार असेल तर कसे चालणार," असं म्हणत फडणवीसांनी या प्रकरणाची एसआयटी चौकशी करण्याची घोषणा केली.
“मी मराठा समाजासाठी काय काय केलंय हे संपूर्ण महाराष्ट्र आणि मराठा समाजाला माहिती आहे. मुख्यमंत्री असताना मी मराठा समाजाला आरक्षण दिलं. ते उच्च न्यायालयातही टिकवलं. सारथीसारखी संस्था सुरू करणं, विद्यार्थ्यांना फीमध्ये सवलत देणं अशा योजना आपण सरकारच्या वतीने सुरू केल्या. त्यामुळे मराठा समाजाच्या संदर्भात मला कुणाच्याही प्रमाणपत्राची आवश्यकता नाही”, असं देखील देवेंद्र फडणवीस म्हणाले.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.