सातारा - कोयना विभागातील हेळवाक प्राथमिक आरोग्य केंद्रांत निवासी वैद्यकीय आधिकारी या पदावर काम करणाऱ्या डॉ. सुप्रीम कांबळे यांनी हेळवाक प्राथमिक आरोग्य केंद्राच्या इमारतीची मोठ्या प्रमाणात तोडफोड केली आहे. हा वैद्यकीय अधिकारी मनोरुग्ण आहे. त्याला आलेल्या झटक्याने त्याने हे कृत्य केले असल्याची तक्रार तालुका वैद्यकीय आधिकारी प्रमोद खराडेव वैद्यकीय आधिकारी इंदीरा भिंगारदिवे यांनी कोयना पोलिसात दाखल केली आहे.

हे देखील पहा -

हेळवाक प्राथमिक आरोग्य केंद्रांत दोन वैद्यकीय अधिकारी कार्यरत आहेत. निवासी वैद्यकीय आधिकारी या पदावर कार्यरत असणारे वैद्यकीय अधिकारी हे गत चार महिन्यापासून मनोरुग्ण बनले आहेत. त्यांना सतत येणाऱ्या वेडाच्या झटक्यातून त्यांच्या कडून नेहमीच चुकीच्या घटना घडत आहेत.२९ मार्च रोजी रात्री आलेल्या वेडा च्या झटक्यातून मनोरुग्ण वैद्यकीय अधिकाऱ्याने हेळवाक प्राथमिक आरोग्य केंद्रा ची इमारत तोडफोड करून धिंगाणा घातला आहे.यामुळे या प्राथमिक आरोग्य केंद्रांत उपचारासाठी दाखल असणाऱ्या रुग्णात घबराट पसरली.

या घटनेची तक्रार तालुका वैद्यकीय अधिकारी प्रमोद खराडे व वैद्यकीय आधिकारी इंदिरा भिंगारदिवे यांनी कोयना पोलीसात दाखल केली आहे. कोयना पोलीसांनी मनोरुग्ण वैद्यकीय अधिकारी सुप्रिम कांबळे याला ताब्यात घेतले आहे.

Edited By - Shivani Tichkule