कोल्हापूर : राज्यात डेल्टा प्लसचे delta plus रुग्ण वाढल्याची माहिती नुकतीच राज्याचे आराेग्यमंत्री राजेश टाेपे rajesh tope यांनी दिली. त्यावेळी काेणत्या जिल्ह्यात किती रुग्ण संख्या आहे हे त्यांनी सांगितले. जळगाव, बीड प्रमाणे आता काेल्हापूरात देखील डेल्टा प्लसचा एक रुग्ण आढळल्याने नागरिकांमध्ये चिंतेचे वातावरण पसरले आहे. संबंधित रुग्ण हा सुरक्षीत आहे. त्याचे लसीकरणाचे दाेन डाेस पुर्ण झाले आहेत अशी माहिती महापालिकेतून देण्यात आली. दरम्यान संशयितांचे अहवाल विलंबाने प्राप्त हाेत असल्याने हा प्रकार जीवघेणा ठरु शकताे. यामुळे आराेग्य यंत्रणेने त्याकडे तातडीने लक्ष देणं महत्वाचे ठरणार आहे.

काेल्हापूर जिल्ह्यात डेल्टा प्लसचा एक रुग्ण आढळला आहे. त्याबाबतचा अहवाल आठ ऑगस्टला प्राप्त झाला. खरं तर संबंधित रुग्ण हा अडीच महिन्यांपुर्वीच आढळला हाेता. परंतु त्याचा अहवाल आठ ऑगस्टला मिळाला. या दिरंगाईस काेण जबाबदार असा प्रश्न निर्माण हाेत आहे. दरम्यान काेल्हापूर महापालिकेने तातडीने संबंधित रुग्णाच्या संपर्कातील लाेकांची गाठ भेट घेवून त्यांची स्थिती जाणून घेतली.

लसीकरणाचे दोन डोस झाल्यानंतर देखील ज्यांना काेविड १९ ची लागण झाली अशा नागरिकांची पुन्हा तपासणी करण्याचा निर्णय महापालिकेने घेतला आहे. काेविड १९ चा कोणता विषाणू आढळून आला यासाठी ही फेरतपासणी केली जाणार आहे.

Edited By : Siddharth Latkar